賤嘴黃藝人杜汶澤,雖然因為撐佔中而無乜觀眾緣,但似乎異性緣就恰恰相反,畀《東方日報》記者踢爆佢半夜三更帶女返屋企,不過個女仔就唔係佢老婆田蕊妮喎,原來係趁老婆出埠,自己喺屋企Happy !
據《東方日報》報道,杜汶澤趁老婆唔喺度冇王管,半夜開車出去搵女「促膝長談」,可能見大家情投意合好好傾,跟手就載埋長髮女伴直奔大埔住所。可惜喺佢即將返到屋企嘅時候,畀記者當場「斷正」。嗰位長髮女伴嚇到縮低避開鏡頭,杜汶澤則勁緊張爆粗大鬧。被問及女伴身份,杜汶澤當時尷尷尬尬笑笑口唔敢回應,但喺大約一小時後,就此地無銀咁上載一張成班人喺屋企開Party嘅相。再接受傳媒採訪時,才解畫指女士是化妝師,當時是回家與健身教練夫婦享樂。
對於老公鬼祟帶女返屋企,身在海外的田蕊妮就話知情,杜汶澤亦有知會她,似乎好信任佢老公咁喎!據悉,杜汶澤與田蕊妮1999年拍拖,2005年結婚,田蕊妮曾爆杜汶澤婚前婚後都曾經出軌,但始終獲得包容。
一班人開P咁Happy……當事人解釋就解釋咗,不管你信不信,反正有人信喇~
原圖:杜汶澤Facebook
https://www.facebook.com/photo.php?fbid=1498480076952568&set=a.111122362355020&type=3&theater
投票已截止,多謝支持