美加司馬昭之心路人皆見!華為高層孟晚舟日前喺加拿大被扣留,原因竟係被指違反美國對伊朗的禁制令,真係離譜到一個點。最令人大喊豈有此理嘅係,加國外交部同司法部居然夾晒口供,話背後無政治動機,真係搵鬼信。對於擘大眼講大話嘅無恥之徒,中國駐加拿大大使盧沙野忍唔住撰文鬧爆,直指孟晚舟被捕一事根本係有預謀嘅政治追殺,一針見血!
盧沙野昨日以《我們不希望看到加拿大走上背離公平正義的道路》為題在加拿大報章撰文,直指今次事件係美國濫用國家權力對一間華企作出政治追殺,而加拿大嘅做法令人十分心寒。
加國所為令人心寒
文章又指,華為已多次公開澄清自己在全球發展業務時都有嚴格遵守當地法律,卻被美國之流喺唔拎證據嘅前提下抹黑威脅國家安全。盧認為,這些種種都係因為西方國家視中國為異類,怕中國崛起威脅西方,所以先用「國家安全」的幌子打壓中國。
以老美為首嘅西方國家怕中國崛起都唔係第一日嘅事,只係估唔到咁明目張膽打壓啫!民主霸權有幾無恥,可見一斑!
原圖:無綫新聞截圖、中國外交部、Donald J. Trump Facebook Page
https://www.fmprc.gov.cn/web/wjdt_674879/zwbd_674895/t1452199.shtml
https://www.facebook.com/DonaldTrump/
投票已截止,多謝支持