今日行管會開特別會議，決定要游蕙禎、梁頌恆兩位「已完」回水186萬。13個委員淨係傾由幾時開始計都傾咗成兩粒鐘，秘書處嘅法律意見話，回水應由游梁10月1日議員有效任期計起。但泛民有人唔同意，話要由宣誓失效嘅10月12日開始計喎，只差未講「由得佢」。邊隻鬼講緊鬼話，等我哋逐個數﹗

莫乃光係嫌疑最大鬼

資科議員莫乃光做鬼嫌疑最大。點解？之前莫乃光喺電視話，游梁一開始就申請盡開設辦事處同資訊科技開支上限，真係用得好快，佢自己上屆4年都用唔完。但話風一轉，莫乃光就話好難叫游梁回水，亦唔同意咁做，因為兩隻嘢冇得做議員只因無法完成宣誓，並非存心詐騙薪金同津貼喎。咁你都講得出，想唔懷疑你都難喇﹗

郭榮鏗是曲線暗撐鬼

至於民主黨、公民黨，撐游梁口裡說不，身體卻很誠實，或明或暗一直幫拖。行管會入面兩個公民黨人一直暗撐游梁，其中郭榮鏗回應有議員要求游梁回水時，曾經話目前要先看立會法律顧問意見，聲稱個人暫未有強烈看法，似乎係見眾怒難犯，只可以曲曲哋撐住先。

陳淑莊係放生游梁鬼？

另一位公民黨成員陳淑莊更加講過，議員部份津貼實報實銷，部份係預支，又用自己當年參加「五區公投」辭職做例子，話預支而又未用嘅津貼要全數退還。用另一個角度講，陳淑莊唔通係話未用先要還，用咗就唔使還？ 有報道指，有民主派議員話過，按以往慣例，即使係被禠奪議員資格嘅前立法會議員詹培忠，「都無回水呢回事」，認為秘書處如要求游梁回水，需要合理解釋。你估係邊隻泛民鬼講呢？會唔會係民主黨嘅議員先？ 點講都好，好在建制派人多，否則一個唔覺意畀扮人實鬼突襲成功，186萬公帑入咗鬼門關，攞唔番出來。 還好人定勝鬼！ 原圖： https://www.newmobilelife.com/2016/07/17/movie-ghostbusters-review/ http://news.now.com/home/local/player?newsId=150420 http://news.now.com/home/local/player?newsId=45208 https://zh.wikipedia.org/wiki/%E9%83%AD%E6%A6%AE%E9%8F%97 http://topick.hket.com/article/646695/%E9%BB%83%E7%A2%A7%E9%9B%B2%E8%A6%81%E6%B1%82%E7%AB%8B%E6%B3%95%E6%9C%83%E5%B0%B1%E5%95%9F%E6%99%B4%E9%82%A8%E9%89%9B%E6%B0%B4%E5%95%8F%E9%A1%8C%E5%8F%AC%E7%B7%8A%E6%80%A5%E6%9C%83%E8%AD%B0

投票已截止，多謝支持