土「你最大問題是...唔夠 Tough！」很記得這句說話！ 話說當年離開4A 廣告公司，到美容集團上任Marketing Department Head，臨行前向老闆J討教，了解一下自己工作上有甚麼不足的地方，他跟我說這句說話。初時不太明白，後來在Marketing工作上碰壁，再後來自己創業，越來越體會到Tough的重要！ 怎樣才算是Tough？ 很抽象吧！經過這幾年Marketing工作、創業生涯，開始明白。 在很多人眼中老闆是一個躁狂人，唔好同我解釋咁多，總之一定要做得到！例如同Supplier傾價錢如是，趕Promotion如是，與各分店追數追Target如是，總之我哋每次話因為乜乜乜，所以做唔到，佢都會大發雷霆，很難服待吧！不過離開公司之後，自己創業，就感到這Tough的特質，非常有用，五成功力，已經抽得！ 我的理解是，所謂Tough就是要對自己說：「一定要做到！」 我們要問自己：「點先做得到？」等正面積極的說話，而不是對自己說：「都係做唔到架啦！」、「冇可能架啦！」等負面說話，對創業者尤其重要。傾價錢、談判...堅守底線，不輕易讓步；遇上困難、逆境...發揮可能性，不輕易放棄，凡此種種都是Tough的表現。 當然...我不是說盲目的堅持！ 市場就是市場，如果環境因素不是你所能控制，例如你的產品、服務，根本沒有市場；例如你的資源、條件，根本不足以在市場上立足。細心分析、衡量之後，應該以理智、決斷的心態，盡早放棄。 舉例...近年很多做廠的朋友吐苦水，大陸人工越來越貴，人民幣不斷升值，被越南、孟加拉產品打到落花流水，沒有及時轉型的，紛紛蝕到入肉！咁梗係唔做啦，玩咩？ 然而...評估過自己遇有優勢，何不Tough？ 困難？逆境？風險？...當然有啦！那有生意是必賺的？ 如果有請告訴我，俗語有話：底褲都當埋，奉陪到底！ 記得投資教學這門生意，創辦至今已經超過５年，經歷過很多困難，期間有朋友、合作夥伴跟我們說：「冇得做架啦，放棄啦！」幸好經過客觀分析，發揮創意，這門生意還是堅持下來。 例如最初我們搞的是股票投資班，競爭太大？點先生存到？又用新模式運作了好幾年。後來我們就創辦地產班，SSD推出住宅淡靜？點先生存到？我們就想到闖進工商鋪市場。買樓都係一樣，唔夠首期？唔夠入息？有冇辦法搵到人挾？有冇辦法借到錢？其實任何時候都有困難，如果太容易退縮，就乜都做唔成架啦。 1% Anthony Fan Page《第一桶金》：www.facebook.com/anthony.wealth 圖：貿發局宣傳片截圖