理工大學講師、熱血公民成員鄭松泰在其黨友黃洋達嘅九龍東辦事處開張當日，偷取到來採訪嘅香梘電台記者石房有(阿Man)嘅物件一事，被網媒拍下片段，鐵證如山，團體珍惜群組不值鄭松泰所為，到理大抗議，要求校方辭退鄭松泰，糾正歪風，令理大回復正常。

劣績斑斑怎為人師？

冇錯，事實擺在眼前，小弟亦都有睇過有關片段，鄭松泰偷嘢毋庸置疑。除此之外，鄭松泰劣績斑斑，枉為人師，誤人子弟，其所屬組織熱血公民不但鼓吹港獨，更將暴力合理化，以歪理荼毒青少年，簡直其心可誅，論罪當斬。「熱狗」近年嘅所作所為，身為核心成員嘅鄭松泰不但參與其中，更走在最前，帶頭針對內地遊客，發起驅蝗、光復等趕客行為，擾亂社會秩序，嚴重損害香港好客之都嘅形象，令香港步向衰退。而在今年農曆新年前夕，因為著名導演王晶發表不滿「熱狗」嘅言論，鄭松泰遂聯同黨友企圖衝入戲院搞事，妨礙市民觀賞電影，其野蠻行為令人髮指！如今鄭松泰仲做埋小偷，一個德行有虧嘅人有乜資格喺大學教書？更何況鄭松泰的罪狀罄竹難書，如果理大唔將佢落鑊，試問如何服眾？一日有呢粒老鼠屎喺理大，學生不但被洗腦，更會受鄭松泰嘅暴力思想影響，從而做出自毀前途嘅事，所以炒鄭松泰刻不容緩！ 現今香港嘅大學太多不務正業、搞政治多過搞教育嘅教師，鄭松泰就係其中一個，理大必須撥亂反正，清理門戶，挽救學生，將學棍逐出校園，以正視聽！ 圖：文匯報 http://news.wenweipo.com/2014/10/23/IN1410230037.htm

投票已截止，多謝支持