縱橫股市多年的我認為，心理因素是股市成功與否的關鍵因素。首先，我分享以下一個小散戶對話內容。 有2個朋友在街上碰面 型仔羊：喂，好耐無見！ 靚女蟲：係呀，好耐無見了，最近有咩好no.介紹下？ 型仔羊：唔好同其他人講，收到消息abc123會炒上，你自己睇位啦。 靚女蟲：真的嗎？我一陣去睇下先。 事隔一排，靚女蟲和另外一個朋友見面，話題轉移至股票市場 靚女蟲：你最近有無股票？ 傻仔牛：有呀，表現不過不失，有咩好野介紹下？ 靚女蟲：我all in左 abc123 ，有人話有得升，目標價睇xxx 傻仔牛：ok喎，你幾錢買左？ 靚女蟲：高位買，坐緊20%。 傻仔牛：咁掂啦，現價我入場，你返家鄉我就賺錢。你仲要咁大注買，即係好有信心會升。 靚女蟲：....... 再事隔一排，2人再次見面 傻仔牛：你隻股票真係勁，真係到你目標價，你賺唔少啦！ 靚女蟲：唉，唔好提，我賺左好少。 傻仔牛：下，點解既？ 靚女蟲：早排大震倉嚇死我，我見返家鄉賺少少就走左，好驚佢再跌返落去。 傻仔牛：之前見你咁有信心，隻股票跌我又唔驚，升的時候都無止賺，直到你目標價先離場，哈哈。 靚女蟲：你真係勁！88 上述故事純屬虛構，如有類似實屬巧合。 去返正題，上述故事的確反映不少散戶的投資心態。

散戶投資心態分析

第一，盲目炒作消息是大忌。由於只信賴消息，對公司資料可能毫不知情。股價升跌完全不知因由，下跌時並不知支持位，上升時也不知合理值。當大升市時，消息的命中率可能很高，但當市況逆轉時，消息股下跌的速度很快，你們有沒有止蝕守則呢？ 第二，止賺容易止蝕難。散戶總是沒有冒險精神去賺到盡，相反坐艇時卻對自己的股票抱很大期望。投資者每每在投資活動中傾向迴避損失多於迴避風險。故此經常出現投資損失的局面下作出不理智的決策並不願以客觀態度面對損失。 第三，從眾心理。投資者愛跟隨大眾行事，因為俗語有句有福同享有難同當。但每個投資者的風險都是一樣嗎？ 圖：網絡圖片

投票已截止，多謝支持