立法會新界東補選如箭在弦，進入最後直路階段，在此決勝負嘅關鍵時刻，在年初二凌晨，旺角街頭發生嚴重暴亂，其中公民黨候選人楊岳橋被揭發為暴徒提供法律支援，此舉不但令佢本人及公民黨失分，更涉嫌違法，楊岳橋希望藉義助暴徒從而吸納激進票源及戴上道德光環，顯然係打錯算盤，令其選情蒙上陰影！

旺角暴亂全城震怒

旺角暴亂全城震怒，激進本土派暴徒毆打警察、襲擊記者、到處縱火等暴力行為引起公憤，不論市民及有識之士無不直斥其非，唯獨是反對派政黨及激進派系對暴徒惡行含糊其辭，甚至為暴徒開脱，美化其行為，將責任歸咎於梁振英政府施政不力，企圖轉移視線，當中公民黨可以話係今次暴亂嘅始作俑者，提倡本土主義正正就是公民黨，從今次楊岳橋參選口號「香港人上陣，梁振英下台」，便可窺其全豹。

自創黨以來，公民黨做盡反中亂港之事，對推動中港兩地融合之事卻大加阻撓，而好幾宗官司如港珠澳大橋司法覆核、外傭居港權及引起雙非嬰嘅莊豐源案，更令香港經濟發展停滯不前，民生凋敝。

公民黨乃罪魁禍首

最近幾年，公民黨更愈趨激進，除聯同社民連搞違法違憲嘅五區公投外，更倡議本土意識，主張中港分隔。毛孟靜更擔當先鋒，與范國威以拖篋形式反對內地遊客來港消費，加劇中港矛盾，令兩地關係火上加油，呢點從過去一年嘅一連串針對內地遊客嘅反水貨客、驅蝗行動等可見一斑。今次旺角暴亂就係喺呢個背景下發生，公民黨可以話係罪魁禍首！

本來泛民在新界東基本盤多於建制派下，楊岳橋要進入立法會可以講係十拿九穩，偏偏在今次旺角暴亂中犯下低級錯誤。楊岳橋以為藉義助暴徒可以將另一候選人，本土民主前線發言人梁天琦嘅激進票源一併拿下，仲可以站在道德高地，進一步增加自己嘅勝算。可惜聰明反被聰明誤，楊岳橋此舉不但為自己及公民黨帶來一片罵聲，仲幫咗周浩鼎及梁天琦一把，先流失温和泛民及中產支持者嘅票源，連激進票源亦得唔到。

楊大律師老貓燒鬚

楊岳橋咁做可以話自毀長城，以為討好暴徒就可以獲得掌聲及選票，點知激進本土派有自己一套想法，根本唔會為公民黨作嫁衣裳，更何況梁天琦背後有黃毓民支持，本身激進票源不會流失之餘，分分鐘可以攞埋屬於楊岳橋嘅票源，楊岳橋得不償失之餘，其義助暴徒之舉更可能惹上官非，因為大律師係唔可以直接兜生意，必須透過轉介才可為市民提供法律服務，楊岳橋為選票不惜以身試法，愚蠢之極！

雖然楊岳橋事後立即發揮其狡辯本色，企圖撇清關係，但仍然掩蓋不了義助暴徒、認同暴力嘅責任，其誤判形勢某程度上反映自己嘅政治敏感度不足。旺角暴亂之役，筆者認為係立法會新界東補選形勢逆轉嘅分水嶺，最終結果如何？還看2月28日之戰！

編按：立法會新界東補選候選人包括周浩鼎、楊岳橋、方國珊、黃成智、梁天琦、梁思豪、劉志成。