法官大錘一敲，陳志雲再次甩身，即使串謀收受利益罪成，也只須罰款八萬四千元，剛剛等於案中所收金額，「回水」庫房之後可以唔使坐監。對陳志雲及其支持者來說，肯定是一個可喜可賀的好deal！ 但對廣大香港市民來講，就產生兩大個解不開的問題......

第一個問題──從此貪污是否不用坐監？

隻抽俠怎及法官咁熟法例，但根據一般人嘅正常認知，一個人未得僱主同意而利用公司資源或乘職務之便收受他人利益，即係貪污，貪污係嚴重罪行，揭發後一定會重判，廉署廣告天天提醒市民，派人周圍講talk亦係咁講。但當陳志雲做呢一件事時，就只係輕判「回水」了事。呢條可高可低嘅司法準繩，普羅市民實在好難捉摸，是否從此貪污可以不用坐監？ 當法官判詞比辯護律師更像辯護律師，大家只可問，其他人又如何？

動搖廉潔信心都未算，第二個問題更加攞命──香港法治是否已被玩起？

今次呢單畸士，主審法官潘兆童可以話對陳志雲「呵護備至」，先係判佢冇罪，到上訴庭推翻裁決，頒令改判二人罪成，佢又話今次案件係「例外」，所以判罰款就ok。究竟點樣為之「例外」，乜嘢人可獲得「例外」處理？實令普羅市民大惑不解──是否香港市民已分為兩種人，普通人同特權人，是黃的就自然有人照？ 當黃營中人爭相恭喜陳志雲之際，香港反貪工作受了重創，法治也同時中了槍，死唔死得冇人知，但病情就肯定唔樂觀咯。 市民這兩個問題，不知誰可以回答？ 原圖： http://news.baidu.com/renwu/chenzhiyun

投票已截止，多謝支持