5G手機終於來臨了，未來手機支唔支援5G，好有可能會成為買家選手機嘅先決條件之一！中國當然趕得上潮流，日前華為正式發布其下第一款5G手機—HUAWEI Mate X，而OPPO、小米亦相繼發布5G手機。相反以往被視為手機龍頭嘅蘋果似乎冇咩聲氣喎，原來喺畀晶片製造商英特爾(Intel)跣咗鑊(請按此重溫)，5G iPhone面世無期，真係慘慘豬囉！

OPPO小米亦有貨交

華為發布首款5G折疊螢幕手機Mate X，明言可以「手機變平板」，其他中國品牌亦不甘人後，OPPO與小米嘅新款手機同樣擁有5G功能，其中小米將推出5G版本Mix 3，預計5月上市，華為及OPPO的5G手機則預計今年第二季出貨。

呵呵呵，喺5G路上，蘋果今次真係輸成條街，睇怕日後只能仰視華為認低威了！

原圖：華為發布會截圖、無綫新聞截圖