內地有個賊仔諗住趁春節做案「過肥年」，點知一開門就見到佢畢生難忙嘅一幕——足足有四個特警喺度望到佢實一實，原來佢好偷唔偷，居然偷著醫院入面嘅警察後勤室。有網民覺得太好笑，留言問︰「咁算唔算自首？」哈哈！

意頭房號選中警值勸室

據報道，該名賊人姓李，於2月5日年初一，到安徽省六安市第二人民醫打算偷竊。李某諗住揀個好意頭嘅106號房間 ，點知一打開，就見到入面坐著四個特警，原來佢非常唔好彩地開中咗警察後勤室嘅門！另據其他報道，原來所有後勤房間都係用球形鎖，只可以從裡面打開，而李某伸手入窗後，四名特警已經發覺，所以李某一開門就畀人捉住。賊仔黑成咁，難怪網友見到會忍唔住問，咁算唔算自首呢？仲有網友抵死留言話：緣份呀~人生！ 雖然呢單新聞的確有啲搞笑，但都提醒咗大家，唔好以為過年就唔會有人偷嘢，小偷係唔會放假嘅，各位記得要時刻警覺呀！ 原圖：六安公安在線微博圖片 https://www.weibo.com/lapolice?refer_flag=1005055013_&is_hot=1#_loginLayer_1549877842562

投票已截止，多謝支持