美國喪踩華為5G乜乜物，等大家仲以為霸權自家5G有幾把炮，原來得啖笑！美國第二大通訊商AT&T 疑似掛羊頭賣狗肉，拎4G扮5G，因涉誤導消費者而被起訴。無料扮四條，直接用華為咪好囉，使乜靠小動作？

5G手機未上市 何來5G網絡？

據美媒CNBC報道，部份AT&T手機以「5G E」標示取代原先的「LTE」，即表示客戶已經開接接收「5G Evolution」數據服務。但搞笑嘅係，雖然手機顯示「5G E」，但其實客戶根本就唔係用緊5G 網絡，因為5G手機根本就未上市！AT&T被控以虛假宣傳以在市場上爭取不公平的優勢，全美最大電訊商Verizon發言人尼克遜(Jeffrey Nelson)評論事件，直斥「5G E」是假概念，不過是企業宣傳的「胡說八道」。

被踢爆醜事，AT&T仍死撐冇錯，稱「5G E」係為咗令客戶感受到，所在地區會有更好嘅網絡體驗云云，而當日後真正有5G服務時，手機上會顯示「5G+」喎。咁嘅解釋真係可以令客戶接受？

如果美國真係造唔出似樣嘅5G技術，唔使靠呃呃哄哄嘅，侵侵大可以認衰仔，試吓求華為，話唔定華為肯不計前嫌呢，哈哈！

原圖：無綫新聞截圖、特朗普Facebook