中國嘅堅定立場又令侵侵嬲爆喇！中美貿易談判期限將於3月1日屆滿，美國侵侵總統話明唔會喺呢日之前與中國國家主席習近平會面喎，點解？據侵侵大走狗、美國國家經濟委員會主席庫德洛愁爆嘅講法，係因為雙方仍然存在極大分歧。換句話講，喺談判過程中，我國為維護利益而拒絕讓步，激到美國嬲嬲豬！ 美國不只嬲豬，內部還隱若出現分歧。庫德洛指出，即使特朗普曾表示對兩國達成共識感信心，但中美之間仍有「相當大的分歧」，似乎仲係好不滿侵侵急急露出好想達成協議嘅底牌。

美死撐：不代表談判破裂

但大家都知道，老美一向鍾意故弄玄虛。大走狗呢頭講完分歧大，嗰頭侵侵又放煙霧彈，話認為自己不會在貿易協議限期前、即3月1 日前與習近平會面，但又曾指兩人會在不久的將來見面並落實貿談協議。咁究竟點先係真話？習特會將會於幾時出現？ 對此，其他美國官員出來解話。彭博新聞引述某政府高官死撐，習特會延遲可能是因談判人員有大量工作有待完成所致，不應理解為談判破裂，因二人可以通過電話交流喎。究竟事實真相為何，我們走著瞧。 可以肯定嘅係，侵侵好恨盡快同中國成達成協議，依家情況看似膠著，但中國不急美國急，侵侵有連任的考量，分分鐘會為選票而出賣國家利益，同中國達成協議。中國企硬做得好！一於等美國開出滿意條件為止！ 原圖：Larry Kudlow Twitter、中共內蒙古自治區黨委統戰部網站 https://twitter.com/larry_kudlow http://nmgtzb.org/html/xijinpingheeluosizongtongpujinggongtongfangwenhaiyangquaneertongzhongxin-9848.html

投票已截止，多謝支持