人民力量「快必」譚得志成日行出嚟搞搞震，擺街站鬧呢樣鬧嗰樣，又話爭取乜爭取物，無非都係博曝光想吸引黃營支持者。區議會換屆選舉將近，有指快必打算出戰觀塘廣德選區，挑戰連續三屆當選嘅民建聯立法會議員柯創盛，大家點睇？

譚得志過去兩戰全敗

比較兩位選手，快必兩次參選，2015出選東區小西灣區只得1,229票，慘敗於當區區議員王國興手上；敗軍之將快必唔忿氣，2016年再戰立會選舉，最終亦只得31,815票，排名第七，又衰多鑊連對手嘅車尾燈都見唔到。相比之下，快必今次嘅對手柯創盛1999年初戰區選大捷，2003年換屆時高票連任，之後三屆選舉都未曾遇到挑戰者，自動當選。

兩人一擺，高下立見，快必只係識日日揸住大聲公喺街頭叫囂嘅麻煩友，居然話要挑戰紮根多年、盡心為民嘅柯創盛，結果如何，不言而喻。不知道大家又會點揀？