中美貿談在即，美國卻喺呢個時候扭扭擰擰，真係有誠意求和？中國副總理劉鶴將於下周率代表團訪美，就中美經貿磨擦磋商，中方提出本周派出商務部副部長王受文與財政部副部長廖岷到美國，為談判鋪路。唔知係咪因為中國態度強硬，所以侵侵嬲豬，有傳老美拒絕喺貿談前開預備會議，大家點睇？

蓬佩奧仲好意思話中美應避免衝突？

英媒《金融時報》引消息指，美國唔肯開預備會議，係因為料中國實企硬，雙方喺「強制技術轉移」同「結構性改革」呢兩大問題上唔會有咩進展。雖然明知中國唔會輕言讓步，但侵侵走狗、美國國務卿蓬佩奧仍然死撐，對下周談判表示樂觀，佢仲話其實中美呢兩個超級強國應避免衝突云云，究竟佢係對中國講，還是對自己的主人侵侵大統領說呢？

中國堅持做對的事，為捍衛合法權益，絕不退讓！侵侵想貿戰傾掂數R政績博連任，現在又疑似毫無誠意叫停預備會議，你玩晒啦！對住呢種無賴，梗係支持中國繼續企硬，中國有的是時間，但美國總統大選好快到，睇吓時間企喺邊個度？

原圖：特朗普Facebook