自己闖禍，唔立即改過，反而自成一角圍爐取暖，加拿大真係叻仔！加拿大甘作老美走狗，無理拘捕華為高層孟晚舟，引起中國嘅嚴正怒斥。與此同時，加拿大毒販謝倫伯格(Robert Schellenberg)被依法判以死刑。大概加國都覺得好驚驚，一次過聽6個駐外大使嘅簡報。其實驚咪放返孟晚舟，圍爐取暖有咩用？

方慧蘭：中加艱難時刻

加拿大總理杜魯多(Justin Trudeau)同埋一班內閣成員喺當地嘅16日晚上，聽6個駐外資深大使嘅簡報，包括駐中國、美國、英國、法國、德國同聯合國，主題係點解決中加關係危機喎。另一方面，加拿大外交部長方慧蘭(Chrystia Freeland)今日話，依家係中國同加拿大關係嘅艱難時刻，之後又死撐話加國好清楚自己嘅原則同立場。

加拿大真係咁有原則同立場，就唔會做跟尾狗聽老美支笛啦，既然知驚，仲唔快快放孟晚舟！

原圖：杜魯多 Twitter影片截圖

https://twitter.com/justintrudeau