仲要繼續追究UGL案？煩唔煩啲！反對派昨晚搞咗個追究梁振英集氣大會，不過黃媒報道得百幾人出席。嘩，你睇吓幾多人支持？真係民心所向呀！(笑)

「好多人」撐反對派

律政司司長鄭若驊決定不再就UGL案追究，連黃政客心目中的宗主國英國都話冇嘢好查，但黃友上演現代文革，一於我話你犯法就係犯法，就算事件早已被大英帝國Close File，反對派依舊死咬事件。昨晚，他們在終審法院外搞個集氣大會，揚言會繼續追究，不過市民畀佢呃完一次又一次，支持人數當然愈來愈少，所以只有百幾人出席，多人到呢！

《蘋果》今吹大五倍人數

更令人笑爆肚的是，正如面積可以分「建築面積」同「實用面積」，事實都可以分「事實」同「黃色事實」。黃色宣傳總部《蘋果日報》不改吹水本色，昨晚其即時新聞，題目說「逾百人集氣誓追究梁振英」，到今日見報已變「500市民集氣高呼」。原來所謂「500市民」者，竟是「按林卓廷估計」。明明自己眼見為憑都唔信，硬是要用政客的「估計」(或曰斷估)，真係相當有水平的新聞報道自由呀。 多謝黃媒同政棍提供笑料，原來反對派堅多人撐。係！明白！知道！收到！哈哈哈哈！ 原圖：林卓廷 Facebook、大公報 https://www.facebook.com/LamCheukTing.Official/photos/pcb.2011044392296137/2011044175629492/?type=3&theater

投票已截止，多謝支持