美國亂叫小弟拉孟晚舟的鬧劇，隨時再有新發展！因為美國民主黨唔肯畀侵侵用國家啲錢嚟滿足佢個人起圍牆嘅欲望，美國政府被逼停擺十幾日，搞到侵侵夠晒頭痕，但原來仲有可能因此而無法及時向加拿大提交引渡孟晚舟的申請，或變相令孟加速獲釋！ 去年12月，孟晚舟獲准以1,000萬加元保釋，除須住在溫哥華寓所外，亦要交出護照及戴上電子腳鐐。當時，加拿大檢察官指出，若老美無法在60天限期內，即2019年1月8日或以前向加拿大提出引渡，孟晚舟將被釋放。咦？計計數，日期就快到喇喎！美國政府仲唔做嘢？唔好意思，佢哋停擺緊，冇人做嘢喎！
返回
