中美貿易談判在即，一向要面嘅侵侵當然要扮強勢，佢日前就向受貿戰影響嘅蘋果公司話，因為蘋果喺中國設廠令中國取得巨大利益，所以叫蘋果將廠房搬返美國，眼紅到出晒面喎侵侵！

同Tim Cook扮friend

蘋果公司日前發布業績預警，指因中美貿易戰而令其業績大插水，特朗普酸爆地表示，蘋果在中國製造iPhone令中國獲利甚豐，又同蘋果行政總裁庫克(Tim Cook)扮friend話佢哋係好朋友，叫庫克將生產線搬返美國，「回美國建立那些數公里長的工廠吧」。眼見侵侵不斷呼籲美企返回美國設廠都冇人理，就知佢呢番對蘋果嘅說話，唔係請求，而係乞求啦！

侵侵又要攞威但暗地要戴頭盔，幾辛苦都好都要扮無嘢，眼淚在心裡流，苦笑講不出口，真陰公！無計啦，鬼叫你死都要同中國作對咩！折墮係正常！

原圖：Donald Trump Facebook影片截圖

https://www.facebook.com/DonaldTrump/videos/213234539601159/