「美式雙重標準系列」新一季又嚟喇！話說美國退役海軍陸戰隊員保羅‧惠蘭(Paul Whelan)涉嫌在俄羅斯從事間諜活動斷正被捕，侵侵走狗、美國國務卿蓬佩奧諗都唔諗即大放厥詞，強烈要求俄方解釋扣押原因，仲話如果唔滿意就要俄方即刻放人云云。

涉事美兵有盜竊前科

據報道，呢位保羅‧惠蘭早喺1994年已經入伍，但劣跡斑斑，2008年年頭盜竊罪成，同年底因品行不良被開除軍籍。保羅‧惠蘭係咪好人，小編就不願置評喇，但肯肯定美國唔係好人囉。 點解咁講？相信大家一定記得，在華為孟晚舟事件上，老美曾出了一個大醜。話說有記者問美國國務院發言人帕拉迪諾關於康明凱在華被捕的看法，帕拉迪諾起勢咁叫中國停止有關行為云云。豈料記者話鋒一轉，在孟晚舟被捕事件上，美方是否認為加拿大可如此做？又會不會叫加方停止這種做法？帕拉迪諾即時收嗲，只能口啞啞亂答一通(請按此重溫)。

圖境內法律擴至全球

自己國家的公民在外涉做間諜斷正被捕，老美唔理三七廿一要求放人。反觀中國的孟晚舟無端白事被老美指控，老美仲唆使加拿大境外拉人，勢要引渡孟晚舟到美國受審，將美國境內法律擴大到全球執行，更完全無視法律針對企業而非針對個人的一貫做法，異常惡質，把美式雙重標準表露無遺。 難為侵侵隻狗仲可以聲大夾惡叫俄羅斯放人，要放人，美國係咪要先處理咗孟晚舟問題先呢？ 原圖：無綫新聞截圖、文匯報、Donald Trump Facebook http://news.wenweipo.com/2018/12/12/IN1812120009.htm https://www.facebook.com/DonaldTrump/photos/a.488852220724/10160981689180725/?type=3&theater

投票已截止，多謝支持