兩岸統一係大趨勢，唔該蔡英文面對現實！國家主席習近平琴日喺《告台灣同胞書》40周年大會中，講到對兩岸統一嘅美好願景，提及「一國兩制」係照顧緊台灣現實嘅情況。面對如此真誠嘅講話，台灣地區領導人蔡英文仍然死不悔改，死撐話台灣大多數民意都唔接受「一國兩制」。《環球時報》都忍唔住發文怒斥呢個頑劣之徒，叫佢唔好再將台灣嗰2300萬民意放喺口邊，「14億人的大民主、大意志才是台灣問題走向的決定性力量」！咪係，論民意點解唔睇中國內地！

無法掩飾台人民意

《環球時報》以〈蔡英文當局背離台灣民意誤入歧途〉為題發表文章，指就算台灣當局再叫囂，都無法掩飾「台灣民眾願意與大陸的促統措施積極互動」嘅事實，呢啲互動係「最能反映台灣的民意」 文章又指，蔡英文拒絕九二共識係同和平統一嘅大趨勢背道而馳，會令台海緊張，甚至有軍事危機，質問台灣人係唔係願意承受咁嘅局面，又叫蔡英文自己好好做個調查，唔好成日將2300萬人嘅民意掛喺口邊！ 蔡英文漠視統一大趨勢，懶理台灣人民嘅真正意願，好心佢就早啲收檔唔好丟人現眼﹗ 原圖：蔡英文 Facebook Page、文匯報 https://www.facebook.com/tsaiingwen/ http://news.wenweipo.com/2017/10/18/IN1710180025.htm

投票已截止，多謝支持