估唔到澳洲搶住做狗！話說中國早前依法拘押兩位涉危害中國國家安全嘅加拿大人，有口話人無口話自己嘅美加先後要求放人，英法等老美走狗都隨即插把口。依家萬萬估唔到，有班澳洲人都甘做老美狗，居然向自己政府施壓，而澳政府又真係走去撐加拿大喎。繼澳政府無恥禁華為5G 後（請按此重溫），依家又一做狗證據。有正義一方唔揀，點解偏偏要為虎作倀呢？

澳媒：屈服於國內壓力

根據澳媒報道，30位澳學者同前外交官聯名寫信畀澳外長佩恩(Marise Payne) ，要求政府做加美之流西方國家嘅跟尾狗，齊齊要求中國釋放前加拿大外交官康明凱(Michael Kovrig)與商人邁克爾(Michael Spavor)。唔知係因為班學者施壓定本身就有奴性喇，佩恩當日就叻唔切咁衝出來話關注事件，又同加拿大懶熟咁話大家都致力法治。如果加國係致力法治，就唔會無理拘捕華為高層孟晚舟喇！

有外媒話，原來澳洲好努力平衡緊同中國嘅外交、貿易關係，根本唔想評論事件，今次只係屈服於國內壓力先出聲。

講咩都好，呢家澳洲擺明企喺美加嗰邊，之後同中國關係會點？佢自己想吓喇！

原圖：無綫新聞截圖、大公報

http://www.takungpao.com/news/232108/2018/1214/220047.html

http://www.takungpao.com/news/232108/2018/1213/219462.html