美國口講和平，但其實全世界都知佢哋先係最冷血，而佢哋嘅總統侵侵就更加係人辦！兩名危地馬拉難民兒童，先後在被美國拘留期間死去(請按此重溫)，冇人性嘅侵侵居然將小童慘死嘅責任歸咎於民主黨唔肯畀佢喺邊境建牆，話如果有牆，難民就唔會嚟到美國！真係賤到冇人有！

歸咎民主黨移民政策

當兩名難民小孩引起大眾關注之時，美國總統特朗普竟於Twitter發抽水文，把兩名孩童之死歸咎於民主黨「可悲的移民政策」，令人誤以為非法進入美國是可行之事。他表示，若有美國在邊境建一道牆，便會令欲嘗偷入美國的難民卻步。特朗普對在邊境建牆的方案甚為堅持，即使因方案不被民主黨接受而令美國政府被逼處於停擺狀態，特朗普仍稱在等待與民主黨達成共識。

因為侵侵嘅無人性政策，令到無數難民受難，有兩名兒童甚至因此無辜慘死，但侵侵唔知悔改之餘，仲要諉過於人兼抽死人水，簡直係無恥無下限！

原圖：Donald J. Trump Facebook

https://www.facebook.com/DonaldTrump/photos/a.488852220724/10161911955070725/?type=3&theater