老美繼續炒作中國安全問題，今次仲要吹到連喺中國上網都唔安全咁話！不過，同以往一樣，吹得得吹，證據就欠奉喇～美國國家反間諜與安全中心主任 William Evanina日前於電視節目中抹黑中國網絡唔安全，指中國政府可以隨時監視智能手機同平板電腦等設備。唔通呢啲嘢美國平時做得多，所以先會以己度人？

睇吓新聞都會被hack

被主持人問及會否帶手機到中國，William Evanina表示「絕對不會(absolutely not) 」，因為有好大風險被中國監控。佢靠嚇咁講，中國互聯網由中國政府營運，外國人只要隨便click下新聞都會畀中國駭入，睇晒所有資料喎，講到咁大陰謀，有證據未先？ 呢啲指控由美國官員口中講出嚟都真係幾無說服力，早排先踢爆美國大使館大量購入間諜裝置（可按此重溫），老美依家返過來話中國搞諜戰，擺到明就係賊喊捉賊啦！ 原圖：BBC NEWS影片截圖 投票已截止，多謝支持