人類總要重複同樣的錯誤？講緊嘅係「毛婆」毛孟靜﹗毛婆日前懶係威咁話要質問保安局局長李家超，問點解華為副總裁孟晚舟可以有三本特區護照？結果今朝特首林鄭月娥就出嚟打佢臉，話人哋有兩本已經剪咗角，其中一本更加有美國簽證。做人嘅嘢，衰咗唔認就只會衰多兩錢重，毛婆偏偏唔信邪，仲夠膽死喺Facebook發文死撐自己冇錯，實在樣衰。

自說自話懶理林鄭回應

毛婆話喎，林鄭月娥作為特首，一早應該澄清事實，但就唔知點解要拖到依家先回應，又問點解唔問吓外國司法機關先，再順口屈埋林鄭「諉過於人」云云。大家睇到呢度，留唔留意到毛婆膠喺邊？就係佢完全無視林鄭喺回應時嘅兩個重點：一，事件已進入司法程序，唔適合作評論；二，就係孟晚舟曾因私人理由，例如遺失護照及更改個人資料等而要申請新護照，屬於個人私隱，公開討論有所不妥。縱合以上兩個理由，特首拒絕就事件回應絕對係合情合理！現在卻因有衰人如毛婆惡意吹水，林鄭才不得不打破慣例澄清以正視聽。 毛婆呢挺資深政棍，永遠以為「錯就人哋錯，自己唔會錯」，真係特別乞人憎。毛婆衰咗咪認囉，而家死雞撐飯蓋，真係肉酸到爆！ 原圖：大公報、毛孟靜Facebook https://www.facebook.com/ClaudiaMoManChing/photos/a.704405812910104/2482076658476335/?type=3&theater http://finance.takungpao.com.hk/tech/q/2017/0327/3435686.html

投票已截止，多謝支持