港珠澳大橋明日(23日)上午舉行通車儀式，一堆黃政棍未有獲邀出席而嬲豬，民建聯立法會議員陳恒鑌今日出席電台節目時談到事件，恥笑黃政棍搞到立法會笠笠亂，應反省吓自己行為！ 對於不獲邀請，公民黨譚文豪嬲爆高呼「唔係自己友就請都唔請」，不過他跌落地下揦番拃沙，自稱就算獲邀都不會出席喎！果然，吃不到的葡萄是酸的！

開幕由珠海方舉辦

陳恒鑌透露開幕由珠海方舉辦，表示自己有收到邀請，今日就會先行出發。談到黃政棍未獲邀，陳恒鑌句句有骨串爆黃友，直言這是由有關部門主辦及決定：「(有關部門)每次睇電視都見到有班人(黃政棍)搞到場面好混亂，所以會唔會有佢哋嘅隱憂，呢個都係佢哋要考慮嘅一點！」陳恒鑌坦言，黃政棍亦要考慮為何我們香港立法會會給人這種印象，皆因這是立法會的形象問題。 串得好！一班黃政棍每次都只識掟嘢、大叫、衝主席台，做嘅實事係等於零，搞到香港形象大跌。主辦方唔請班黃政棍好正常呀，唔通請佢哋去搞事咩？ 原圖：陳恒鑌Facebook、譚文豪 Jeremy Tam Facebook、無綫新聞截圖、大公報 https://www.facebook.com/BenChanHanPan/photos/a.161586773891983/1470038333046814/?type=3&theater https://www.facebook.com/jeremytammanho/photos/a.959449160784233/1683959531666522/?type=3&theater http://news.takungpao.com.hk/paper/q/2018/0207/3541894.html

投票已截止，多謝支持