又到開學日子，本係莘莘學子完結暑期，繼續上進學習嘅季節，然而今年卻有幾位所謂大學學生會會長喺開學禮公然講獨，為新學年帶來令人厭惡嘅獨氣！話說，繼早前教大學生會會長張鑫同港大學生會會長黃程鋒喺其大學嘅開學禮上大放厥辭後，將於今日舉行開學禮嘅中大學生會都揚言會講獨！如今唔通指鹿為馬變成潮流？佢哋講獨歪理時覺得自己好威威？

稱將提民主牆事件

中大學生會會長區倬僖指，在今年的開學禮致辭中，會跟以往一樣談及香港政治，當中將會提及港獨，事件上尤其會提及去年中大民主牆被獨友貼上「港獨」標語，及後被義憤內地女生撕下的「民主牆事件」。其實呢位區先生，前科已經超獨，先係參與佔中受到「啟蒙」，之後就獨氣發作，前後為過港獨友本土民主前線梁天琦同青年新政梁頌恆助選。獨成咁，佢究竟會喺開學禮講啲咩，煽動啲咩，真係令人擔心！ 大學學生會會長本來應該係一間大學每位學生學習嘅對象，如今卻成為獨友集中地，隨便數都數得出馮敬恩、孫曉嵐之流搞事友。學生會會長都咁獨，一間大學嘅風氣又點會好？要求中大校方嚴肅處理！ 原圖：中大校園電台Facebook Page、文匯報 https://www.facebook.com/cuhkcampusradio/ http://paper.wenweipo.com/2016/08/04/HS1608040014.htm

投票已截止，多謝支持