去完新堀江商圈之後，我地再去另一個商圈---三多商圈站。但係其實，呢度唔係商圈，而係由幾個大型商場組成既一個地方。

喺寫呢個blog既時候，出現左一個大問題，就係唔夠相。對不起，我必須向各位解釋，由於筆者去旅行之時係未有寫呢個blog既打算（其實如果大家一直有追睇既話，都會發覺日本篇比台灣篇係詳盡好多的）所以影既相較少，一如以往，我地先睇地圖。

從上面既地圖可以見到，一出捷運站。已經有幾個商場，以下等我作個簡介啦：

出口1: 大遠百百貨。呢個係高雄市既大型百貨，當高雄未有巨蛋之前呢度的確係唯一既本土百貨。呢度有IMAX戲院、頂樓又有全高雄最大既誠品書店。

除左大遠百之外，捷運站出口1仲可以去到85大樓。呢座係高雄市最高既大廈。亦係全台灣第二高既大廈，大家可以上去佢個觀景台度飽覽高雄既市景。 （下圖中間最高果一座）

出口4: 新光三越百貨 及 太平洋SOGO百貨，呢兩個百貨，大家喺香港都行到飽啦。所以唔多講了，事實上我直情無行過入去。

出口6（步行約１０分鐘）: 吳寶春麥方店。 世界麵包冠軍 吳寶春麵包店，以冠軍麵包荔枝玫瑰及酒釀桂圓麵包聞名的吳寶春師傅，以國際技術用在地食材烘焙出台灣原味。好好食架，不過好多人，又唔近地鐡站。加上台北已經有分店既關係，所以都少咗人嚟呢度，不過，始終都係始創店，想試既朋友抄低以下地址啦：高雄市苓雅區四維三路19號（http://www.wupaochun.com/）

圖：由作者提供，地圖取材谷歌地圖