每逢遊行集會，黃營唔篤數是會唔舒服的，但狼來了得多，自然冇人信。昨日六四晚會，支聯會吹到有11.5萬人，與警方數字的1.7萬人相差整整六倍，相當駭人。著名導演高志森串支聯會篤數，笑言：「要坐滿4個香港大球場至有11萬呀，識唔識計數呀~」

高導的質疑絕非隨口噏。他回應網民時表示，「我喺香港大球場搞過Show。維園6個足球場質到爆滿，都坐唔滿2個香港大球場。11萬係咩概念？」有理有據有經驗，唔似得支聯會以至黃營，下下靠吹。

「橫掂都係，吹夠一百萬！」

網民聞高導所言，齊齊加入戰團。有口痕友曰：「佢哋估計11萬精神上支持，肉體在家吃飯睡覺……」有網友則不忿支聯會的做法：「佢哋邏輯都幾一貫，作大出席悼念人數同六四死亡人數。」有人則建議支聯會：「橫掂都係，吹夠一百萬！」相當有趣。

都係嗰句，信黃營一成，雙目必失明，晚會出席人數有幾多，大家心裡有數，唔會畀你吹吹下嚇到。

原圖：HKG報、大公報 http://news.takungpao.com.hk/paper/q/2015/1221/3256426.html