峯鴿搶手機行為過份，市民當然唔會接受啦，早前就有團體因為呢件事到佢住嘅大廈外示威表達不滿，點知許智峯就鬧班正義市民，話佢哋嘅做法「好唔文明」喎，唔通佢覺得自己搶嘢就好文明咩！

律人以嚴 待己以寛

雙重標準成咁，網民當然忍唔住串爆佢啦，有網民就數峯鴿做過嘅衰嘢嚟串爆佢「團體抗議唔文明？你喺咁瘋瘋癲癲咁反乜反物又好文明？衝向主席搶咪好文明？開會時在座位插嘴叫囂好文明？」網民Amy Wong 串佢話佢雙重標準之餘，仲鬧佢嘅言論係嚴人寛己，而Morgana LI嘅意見就更加抵死：「喺許生眼中，文明係一把伸縮尺。」

網民意見啜核得嚟又真係完全中point！以唔文明程度嚟講，許智峯可以話係一百步笑五十步！不過做得反對派，「嚴人寛己，盲評亂吠」八隻大字就係生存技能，所以又唔可以完全怪許智峯嘅，因為成班反對派都係咁，正所謂物以類聚嘛！你話啱唔啱？