民主黨立法會議員許智峯日前公然在立法會大樓強搶女EO手機，因涉刑事罪行而被警方拘捕之餘，更引來新民黨立法會議員葉劉淑儀義憤，將於立法會大會提出譴責動議。對於許智峯呢單嘢，民主黨咪話唔得痕，撐就係不顧是非護短，唔撐就許智峯隨時DQ埋。

范國威擬反對動議

面對葉劉淑儀的譴責動議，新民主同盟范國威就好天然呆咁打算提出反對。依據程序，如譴責動議有人提出反對，便要為此辯論及表決。點解話范國威天然呆？原來據悉有反對派覺得如果一旦提出反對譴責，即係變相要民主黨表態，決定究竟仲保唔保許智峯呢隻白鴿仔，如果保，就由昔日懶持平變成護短咁醜怪。 有消息話，反對派打算到時有咩事，就拉埋建制派落水，一於來個「沒有誰比誰乾淨」。他們似乎意指民建聯周浩鼎，打算強行重提他當日UGL事件中涉公職人員行為失當。話說回頭，政治就是如此無聊，但將許智峯涉及刑事罪行的罪名同其他嘢拉埋一齊講，有成班律師大狀嘅泛民咁都做得出，令人對他們的智商很是驚訝。 原圖：文匯報 http://news.wenweipo.com/2018/04/27/IN1804270003.htm http://news.wenweipo.com/2018/05/05/IN1805050010.htm

投票已截止，多謝支持