民陣繼去年又租唔到維園作為七一遊行起點，身兼民陣副召集人的港獨立法會議員區諾軒發晒爛渣，聲稱民陣「年年都有得用」維園，又大罵獲批場地的香港各界慶典委員會刻意爭場、製造社會分化，帽子一頂大過一頂，仲話要「邀請」委慶委會執行主席鄭耀棠「商討」場地問題(請按此重溫)。不過，老江湖鄭耀棠表明「冇嘢好傾」，一嘢秒殺霸道到極的民陣。 鄭耀堂向傳媒表示，維園足球場是公共地方，並非民陣獨有。對於區諾軒聲稱去年12月已「申請」，鄭直言有關場地3月底才接受申請，並非提早表態就可，暗串區諾軒得把口，講咗就要有的霸權心態。

「民間人權陣線」應改名「民主霸權陣線」

談到區諾軒質疑指責慶委會爭場霸地，鄭耀棠四両撥千斤，表示回歸逾21年，慶委會直到去年才成功申維園，故若說搶、霸，慶委會不是民陣對手，串爆區諾軒批評前應先自我檢討。 區諾軒預計七一遊行只有1,500出席，有網民好為民陣著想，串道：「而家有晒理由做遮醜布，你哋唔洗驚人數少會樣衰啦，最多行慢啲玩倒灌囉！」更有人篤爆民陣的真正目的，勸他們唔使擔心籌唔到旗，「反正成條街都係籌款箱，洗乜驚收入大跌呀」。 講開又講，民陣全名為「民間人權陣線」，小編倒覺得應該要改名「民主霸權陣線」，反正簡稱一樣，但全稱貼切一百億倍，對嗎？ 原圖：大公報、區諾軒Facebook、無綫新聞截圖 http://news.takungpao.com/hkol/topnews/2015-11/3244474.html https://www.facebook.com/nokhinau/

投票已截止，多謝支持