立法會今早(7日)召開一地兩檢草案會議，期間反對派區諾軒、譚文豪、陳志全以及其後嘅朱凱廸被主席葉劉淑儀逐出會場。區諾軒會見傳媒時就鬧葉太冇畀時間佢發言係「裁決不公」，更批評葉劉是質素最低的主席云云。明明係自己唔守規矩在先仲反咬葉太一口，真係沒有最無恥，只有更無恥！

與民為敵先係最差議員

區諾軒喺接受傳媒訪問時又再再再次強調自己係民意代表，所以葉劉唔可以唔聽佢講嘢云云，跟住又「被害妄想繼而老屈」症發作話自從311補選後葉太一直針對佢。面對呢啲無聊指控，葉太當然啋佢都傻！只係表示市民大眾都希望高鐵可以於九月順利通車，有議員不斷利用程序問題想防止會議進行，仲要不守秩序在座位上叫囂，所以「迫不得已」先要趕佢哋離場。

葉太做得好！呢班反對派漠視民意，一而再，再而三咁與民為敵，阻撓一地兩檢通過，區諾軒竟然仲鬧葉太係最差主席，其實你自己先係最差議員！