美國掀不義貿易戰卻被中國打到節節敗退，即急急派員來華求和，一連兩日在北京進行經貿搓商。據報道，雙方談判結束後仍存在巨大分歧；既然美國唔肯投降，中國亦唔需要留手，繼續強硬反擊，除向美國進口水果落手，加強抽檢外(點此重溫相關報道)，更宣佈布加強管制美國廢料進口，再畀老美一記迎頭重擊！

實施100%檢查

報道引述指，中國5月4日始加強管制來自美國的廢料，實施100%開箱、100%檢驗，並對可疑物料進行100%實驗室分析，各口岸嚴格按照國家標準的檢驗檢疫規程，實施嚴密監管。換而言之，美國唔使旨意再亂將垃圾掉去中國，自己食返喇！其實，為保障國民及國家健康，今年中國已出台洋垃圾禁令，禁止別國將自己製造卻又不願處理的垃圾運來中國，以保障國民健康(點此重溫相關報道)。是次中國又狠摑了美國一巴！ 面對中國強招，美國又點會唔怕？雖然礙於「大國」面子，美國仲未投降，但總統特朗普已經開始認低威，表明美方唔敢再對中國採取其他強硬措施，又話自己好尊重國家主席習近平云云。侵侵擦鞋擦到出晒面，可見中國要打贏貿易戰，只係時間問題！ 原圖：無綫新聞截圖、大公報 http://news.takungpao.com.hk/world/exclusive/2018-01/3530516_app.html?tkpc=3

投票已截止，多謝支持