話說民主黨立法會議員許智峯搶女EO手機匿入男廁流氓事件發生當天，真普教黃日君小學發生了一場校園內的風波。上上吓堂，一名姓黃男學生忽然搶了鄰座女同學的書包衝入男廁，釀成課堂騷動。為了糾過錯、正校風，班主任約來黃同學家長商議懲罰事宜。 老師：黃生，你個仔尋日搗亂課堂，詳情你都知道我唔再講，但為免其他同學有樣學樣敗壞校風，校方準備記佢大過兼停課。 未待黃父答話，旁邊待罰的黃小學生已搶白：老師，玩吓啫，道咗歉啦，使乜咁認真啊！ 老師義正詞嚴：首先課堂就唔係玩耍嘅地方，其次道歉就未必等於認錯，睇你家陣嘅態度就毫無悔改之心，而事發當時嘅行為嚴格來講就係搶嘢兼騷擾異性，我今日唔教好你，將來大個出社會就會被警察拉去坐監！ 黃小學生：老師你靠嚇啊！你冇睇新聞㗎？人哋立法會議員許智峯都係咁做啦！你幾時見過佢被拉去坐監啊？堂堂議事殿堂都玩得課室唔玩得？既然尊貴嘅立法會議員都係咁玩，我名正言順小學雞玩玩樂樂又有咩唔妥？ 老師轉問黃父：黃生你平時點教佢㗎？ 黃父：我點教仔？私隱來㗎！你身為教師竟然問返我轉頭？人家大學教授都教「違法達義」啦！ 老師：哎，我真係唔知點教...... 黃父：唔識教就聽吓教協葉建源講，年輕人有表達意見嘅權利，唔好郁吓就鬧人罰人壓迫學生，一陣迫到佢跳樓自殺你負責啊！ 老師：....... 黃小學生：我要真普選！ 以上故事，純屬虛構，如有雷同，未必巧合。 原圖：許智峯Facebook圖片 https://www.facebook.com/huichifung913/photos/a.179023708946500.1073741828.178843345631203/717599121755620/?type=3&theater