只要見到班黃色人士仇警仇上腦嘅舉動，都會令人忍唔住諗：戴住黃色眼鏡睇嘢嘅人，其實係咪同盲冇分別？尤其係尋日睇咗有「葡萄源」之稱嘅葉建源喺黄媒《蘋果日報》寫嘅一篇題為《為何「好仔唔當差」又興起》嘅文章之後，就更加覺得係咁。 單是標題已經知道葡萄源仇警病發作，繼續睇落去，原來唔單止仇警病，佢嘅戀殖病亦都去到末期，先大花篇幅聲稱殖民地時代嘅警察有幾好，然後就話警察「公正而中立執法一事上，卻不如往時」所以「好仔唔當差」又再興起喎，更加大發膠論話要恢復警隊尊嚴，唔係要靠辱警罪而係要警隊重回專業云云。

抹黑稱「好仔唔當差」

睇完該篇文章後，小編真心想問吓葉議員，如果有位學生話佢未來想做警察，想令香港更加安全，市民可以生活得更加放心，你會唔會勸佢唔好，因為「好仔唔當差」？ 另外仲想問一問葉議員，唔知你仲記唔記得，你口中嘅一班唔係「好仔」，正正就係不論風吹雨打，每日不辭勞苦去守護市民嘅警察，一個教育界議員，唔教人感恩，反而喺度搞分化，散播仇警情緒，簡直係枉為人師！ 由此可見，辱警罪不立，政棍就會繼續肆無忌憚地侮辱警察！促請政府速設辱警罪，讓警隊重獲尊嚴！ 原圖：大公報、《蘋果日報》網站截圖 http://news.takungpao.com.hk/paper/q/2015/0930/3195088.html

投票已截止，多謝支持