侵侵又畀人恥笑啦！今次佢又衰咩？咪衰自己手多多喺Twitter打咗句「Mission Accomplished！」話對敘利亞轟炸行動太過完美喎！咦，呢句嘢咁熟口面嘅，唔知喺邊樹聽過呢？ 之唔係喺前前任美國總統喬治布殊口中聽過咯。2003年5月，即係伊戰爆發後一個月，小布殊喺「林肯號」發表講話，仲驚死人唔知佢打完伊拉克戰爭叻叻豬，喺後方艦島掛上寫住大大隻字「Mission Accomplished」（任務完成）嘅橫額添，結果到今時今日伊拉克局勢仍然未穩，仲搵極都搵唔到「大殺傷力武器」，真係__到無眼睇！

似曾相識地＿到冇朋友？

侵侵又講呢句，莫非又會重蹈小布殊覆轍？所以網民忍唔住強力恥笑侵侵，串佢冇考究典故之餘，仲話「以為自己唔會再畀推文嚇倒，但『Mission Accomplished』太令人震驚，要反覆確認呢個唔係開玩笑」。更有網民笑問：「其實白宮有冇人熟悉歷史？」 不過侵侵當然唔會改自己死雞撐飯蓋嘅本色，話係由於轟炸行動「太過完美」，唯一能夠踩佢用「Mission Accomplished」喎。小編就姑且放長雙眼睇吓你撐得幾耐！如果最尾又要好似當年喬治布殊咁死死氣出嚟道歉，就真係樣衰咯！ 原圖：Donald Trump Facebook https://www.facebook.com/DonaldTrump/

投票已截止，多謝支持