補選風波不斷後，4名新當選嘅議員昨日正式參與會議，獨渣區諾軒唔知係咪因為興奮過頭，一朝得志語無倫次，竟然亂噏一通，難怪主席梁君彥忍唔住出言叫停，話佢離題！

一而再再而三搞事

明明講緊臨時撥款議案，但區諾軒就話如果政府預算做得好，就唔使提出臨時撥款議案喎，梁君彥聽到隨即叫停話佢離題，不過就話因為佢係新人，所以忍佢。點知區諾軒仲唔知衰，仲好似愈講愈high。仲反問梁可唔可以畀佢繼續講大專院校撥款事宜，梁再次叫停並再作解釋。唔知係咪知道自已無料，所以區就立即用返反對派一貫盲反嘅伎倆嚟扮四條，自己嘅內容都未講得好就老屈周浩鼎，話周喺發言期間批評反對派以臨時撥款作籌碼，要挾政府接納訴求係「危言聳聽」，真係好小學雞咯！

唉，聽區諾軒發言水平就知道，就算佢唔係想拉布都自動變成拉布，再畀佢咁浪費議會時間，政府分分鐘會陷入財政懸崖都似！快啲DQ咗佢啦！

原圖：大公報

http://news.takungpao.com.hk/paper/q/2018/0223/3545085.html