每次見親陳淑莊，都只係會見到佢聲大夾惡咁反呢樣反嗰樣，左一句「質疑」，右一句「有問題」。其實作為一個為反而反嘅反對派，佢真係算勤力喇，一年三百六十五日不停發炮反反反冇時停。所以，小編今日好難得見到佢喺Facebook上載咗一張望住海景沉思嘅側身相，仲寫咗兩句睇落有啲詩意嘅句子：「想，香港的未來。念，舊日的香港。」真係一反常態有幾分偽文青嘅味道。

追憶殖民「好日子」

歌仔都有得唱：「思念是一種病。」小編十分好奇，喺佢憂鬱嘅眼神，感性嘅字句背後，究竟係「思」啲咩同「念」啲咩呢？懷念Good old days，唔通係「戀殖病」發作先兆，掛住英國主子喺到嘅「好日子」？答案只有佢自己先知喇，但觀乎佢所屬嘅公民黨，經常覺得英國前度主人有幾好幾好，睇怕八九不離十矣。

原圖：陳淑莊Facebook https://www.facebook.com/tanyachancp/