無事姚松炎，有事(賴)馮檢基？當正自己係政治明星的姚松炎輸了選舉，正在煩惱怎樣找藉口，但唔使驚，《蘋果日報》已經幫佢諗好晒喇﹗有乜嘢方便過賴晒落馮檢基身上先？ 今日《蘋果》有一篇開宗名義插基哥的報道，題為《初選結怨 馮檢基hea撐》，仲專登做埋高質片鞭打阿基哥添。嘩啋﹗一睇到題目，唔使諗都知《蘋果》要搵基哥做出氣袋啦﹗

捉字蝨老屈 蘋果確係得

《蘋果》何出此言呢？是咁的，《蘋果》派人到基哥老巢、民協票倉之一的深水埗麗閣邨一帶觀察，聲稱只有鄭泳舜的街站，幾乎沒有姚松炎的宣傳品，「完全沒有選舉氣氛」。另外，《蘋果》即時新聞援引了麗閣苑票站昨午3時半的投票率僅得21.84%，比九西整體的23.35%為低。 當然，《蘋果》的「理據」不只如此少。《蘋果》還說，馮檢基的Facebook專頁最新的更新日是前日，「只是留言呼籲選民投票，隻字不提姚松炎」。難道《蘋果》記者以為，人們看到馮檢基呼籲投票，是在呼籲支持者撐鄭泳舜嗎？捉字蝨捉成咁，真係欲加之罪，何患無辭呀﹗ 搞笑的是，昨日下午時分，《蘋果》即時新聞還報道：「《蘋果》多次致電馮檢基，但未獲回覆。有民主派今日曾上載馮檢基為姚松炎嗌咪的相片。民協的成員也未知馮檢基的行程，只是說他在深水埗一帶出沒。其後得知，馮檢基原來在石硤尾協助姚松炎拉票。」顯然《蘋果》記者知道基哥在哪裡。

基哥肯撐姚 已經超畀面

但到了今日見報的新聞，字眼已悄悄變成：「有民主派指馮檢基昨午曾到石硤尾為姚松炎拉票。」究竟《蘋果》是怎樣從知道基哥去了石峽尾，變成民主派得知基哥在石峽尾呢？究竟哪個說法才是真？抑或兩個都是吹水？那只有《蘋果》自己才知道了。 心水清的讀者肯定記得，泛民初選時，《蘋果》已經開行機器，將馮檢基抹黑成一無是處的垃圾，誓要幫姚松炎除之而後快。之後姚松炎勝選，擔心自己會被DQ，遂聯同《蘋果》為首的黃媒，搏命將馮檢基說到幾乎比屎還不如。現在倒好了，惹來極大反彈，但《蘋果》唔知衰，依然將問題賴落基哥身上。 原圖：馮檢基、姚松炎、蘋果日報Facebook https://www.facebook.com/Dr.EdwardYiu/ https://www.facebook.com/kinkeefung/ https://www.facebook.com/hk.nextmedia/

投票已截止，多謝支持