一個人有幾衰，睇吓同路人撐唔撐咪知囉！報名出戰立法會九龍西補選的已完姚松炎近排盡顯低級人格，人哋朱凱廸仆心仆命幫佢助選，點知佢反轉「朱」肚就係＿，公然指責朱凱廸點衰。可能因為知道姚松炎為人太差，職工盟清潔工會幹事杜振豪特登挖舊文踩佢政綱，連搞泛民初選嘅民主動力召集人趙家賢都話，初選咁多爭議，係關姚松炎唔選又選事。

姚松炎衰嘢多籮籮，佢僥倖入閘參選，相信唔只市民，連泛民中人都唔滿意。杜振豪找來姚松炎去年的文章，大數姚松炎的房屋政策有問題。該文中，姚松炎大踩公屋政策唔妥，聲稱「合作社房屋」先有作為云云。但杜振豪質疑，姚呢篇文連建築成本都計錯晒，直情係「毒草」。不少網民更質疑，姚根本是在反對興建公屋，偏幫私人市場。

范國威人緣好差 姚松炎不遑多讓？

另一方面，黃媒找來民主動力趙家賢總結泛民初選教訓。趙家賢談到Plan B馮檢基慘被迫退事件惹來滿城風雨，直言有關爭議「或源於姚松炎很遲才表態有意參選」。趙指出，早於去年9月，他已問過姚松炎有無參選意欲，當時姚松炎話明冇，豈料泛民初選提名期即將結束前，姚突然改變決定，結果令他不知道補選的Plan B安排。趙家賢似乎在暗示，姚松炎自己唔知頭唔知路，卻與一干人等嘈生晒，連累泛民內部出現分歧甚至分裂，姚應要負上責任。當然，趙是否睇唔過眼姚松炎將責任推到朱凱廸身上，就不得而知了。

說起來，黃媒經常說范國威人緣好差，看來姚松炎也不遑多讓，睇嚟泛民補選推舉出嚟嘅友仔，冇乜邊個係好人喇。

報名參選九龍西補選還包括鄭泳舜、蔡東洲；報名參選新界東補選包括鄧家彪、陳玉娥、方國珊、趙佩玉、黃成智。

原圖：姚松炎Facebook https://www.facebook.com/Dr.EdwardYiu/