看到正氣姐在《城市論壇》KO周庭，筆者充分領略「廟堂之上言理，則天子不得以勢相奪；即相奪焉，而理則常伸於天下萬世」的原因。正氣姐有理有勢，其豪言壯語，使人動容：「我是一個頂天立地、言出必行、風雨不改的藍雪寶。」HKG報林芸生專訪佢，正氣姐話：「佔中、旺暴、七警、朱警司冤獄，有如熊熊烈火燃燒我心，怒火就是這樣鍊成！」其天地有正氣，沛然莫禦！贏得無數讀者欣佩！
反觀政府在DQ周庭一事上，明明合情合理合法，卻遮遮掩掩好似做賊咁！林鄭在立法會被追問DQ周庭有否給予意見，佢就話自己身在瑞士参加經濟論壇，「在考慮參選資格到公布的過程都没有參與」，講真，即使佢冇參與，表個態支持DQ周庭又如何？當年撐問責官員不必飲鉛水，「官到無求膽自大」的那團火去咗邊？又左閃右避表示，不可以保證將來法律一生一世都不會改變，現在要佢說未來哪些人符合資格係「强人所難」。
真係睇到人火到嚟埋，有幾「強人之難」呢？周庭等一班政治小學雞，擺到明就係違反基本法，就係唔想做中國人，正氣姐睇到，唔通林鄭睇唔到，在一國下，在中央擁有全面管治權下，觸犯阿爺底線下就一定被DQ，咁表態吓都要驚青？做了特首，「好打得」即變「好縮得」？若然，就真是令市民大失所望矣！
對住反對派，你縮佢哋更加咬住你唔放！爛果報已放言：封殺香港眾志後患無窮；林鄭無底線的墮落；當無恥成為時尚⋯⋯總之，你愈縮愈感到「強人之難」；反對派必愈踩愈埋迫你落懸崖！
林鄭若然再以為乜嘢「和諧管治新風」可以令政爭平息，歲月安隱，那是太儍太天真。筆者想引已故新加坡強人李光耀兩句話給現屆的問責官員參考：身為領袖就得去激勵和帶領人民，不是讓人心煩意亂。這樣會讓人民感到氣餒。
對李光耀而言，嚴謹稱職的政府必須做艱難的政策抉擇，且要行之有效，即使面對強大的反對派無理取鬧也要有正氣姐的那團火，有甚麼「強人之難」？
一味閃避，只會「哀樂失時，殃咎必至」！
原圖：文匯報、港台節目《城市論壇》截圖
http://paper.wenweipo.com/2018/02/01/YO1802010005.htm
返回
