喺介紹下一個景點之前，想問下大家，有冇留意到高雄市既街頭，周圍都會見到下圖既單車停泊？

呢個就係高雄市獨有既單車自助租賃系統，當年全台灣淨係得高雄呢度有得隨街租單車，當然依傢台北都有啦，不過一場黎到高雄點可以唔試下？

由於我地唔係當地人，我相信你都唔會花錢去買張一卡通架喇。咁所以遊客們只可以用另一種比錢方法，就係信用咭了。呢部機支援VISA及MASTER咭。如果擦唔到磁帶既話，無有怕，用數字鍵輸入信用咭號碼又得，部機日曬雨淋，條磁帶成日都認唔到的。

從上面呢幅相大家可以睇到部份既租車／還車點，基本上全個高雄，每一個捷運站門口都有一個單車點，而全高雄有超過150個單車點，真係行幾步就會見到一個。大家可以喺任何一個站租車，亦可以喺任何一個站還車。如果你想知邊個站有車租，又或者邊個站有空位比你還車的話，就要上網喇。

http://www.c-bike.com.tw/Station1.aspx

沿愛河踩車好有Feel

有幾點大家需要留意的，首先係租車係以每半小時計算，不足半小時當然係照當半小時計。收費係首一小時免費，之後每半小時NT$10-20。一日（以24小時計）上限收NT$910。平得好緊要！！唔止喎！台灣租單車係累計時間的，即是話，你可以Ａ地租車，１５分鐘後Ｂ地還，２４小時內再租再還，總之加埋唔超過一個鐘頭，都仲係免費的！所以大家遊高雄時，特別係由捷運站返酒店時，唔好浪費，租部車踩返去，梗有一個還車站喺附近的。

而筆者最常踩既路線，就係夜晚，喺美麗島捷運站租車，然後推住部單車行六合夜市。當我載滿一車美食同手信之後，就踩單車返國賓飯店。路程都係10分鐘左右。高雄市夜晚唔多車，沿住愛河踩又有海風，去得旅行，咩都試下吧。

圖：由作者提供