《紐約時報》備受各界尊敬，素來擅長以冷峻尖刻的筆觸寫盡世情。可惜，在談到香港「雙學三犯」黃之鋒、羅冠聰、周永康時，《紐時》一反常態，誇張到痹，還高呼要頒個諾貝爾和平獎給三犯。《南華早報》專欄作者盧綱(Alex Lo)笑言，《紐時》唔止新聞、評論好好睇，笑話仲好睇。 盧綱寫這篇文章時，應該因為睇《紐時》笑咗好耐，心情非常好，所以將偉大的《紐時》捧到上天。文章一開首，作者便說《紐時》官方認證了黃之鋒、羅冠聰、周永康係「真誠的良心犯」，佢哋就係「真誠的良心犯」，而且唔只講咗一次，而是三日講了兩次，咁就實冇死啦！

策封三犯 猶如官宣

《紐時》第一次冇講得咁明，只是8月15日借社論問：「香港會首次監禁政治犯嗎？」好，三犯確實坐監了。8月17日，觀點欄目編輯Bari Weiss宣布，「這個勇敢的三人組」成了「香港首批政治犯」，被判監6至8個月，還將三犯同薩哈羅夫、哈維爾、昂山素姬等人比較一番。盧綱笑到肚都攣，直言那些20世紀的偉人和蘇維埃極權主義、緬甸軍政府交手，但黃之鋒、周永康、羅冠聰的對手是……香港政府。盧綱的感覺就像，Well，好啦，Yeah囉…… 盧綱點出Bari Weiss的一大謬誤：判三犯入冊的是上訴庭，而不是律政司。或者那誰預言未來會這樣吧，但起碼目前為止，我們的法庭仍是獨立的。他又引述大律師公會及律師會，兩者聯袂指出，三犯「經適當的法律程序審理而獲定罪及判刑，而涉案人士亦有獲得適當的法律代表」。

邏輯搞笑 無視事實

問題是，誰會理這些細節？也許有人會理，但肯肯定不包括《紐時》的Bari Weiss，事關她還鼓動提名三犯角逐和平獎。作者笑到即刻舉腳贊成，還直言好事應該傳千里。香港無人有幸攞過和平獎，只有高錕、崔琦拿過物理學獎。但是，和平獎明顯更好吧，因為人人都可以加把口評評，而且年年有爭議；反觀物理獎，攞完都唔知佢噏乜，對嗎？ 盧綱繼續借用《紐時》的搞笑邏輯大講反話，認為識玩梗係玩盡佢，黃之鋒等三人沒想過會搞到咁大，所以要提名就提名那個「黃色雨傘運動」。仲有，作者建議順手拉梁振英、林鄭月娥這兩個特首去海牙國際法庭受審，一於砌佢哋一條「反人類」，罪名就是「鎮壓」佔中足足79日，然後等佔中自己消失。嘩﹗小編睇到呢度，都覺得CY同林鄭真係心恨手辣衰到加零一囉哈哈﹗

製造笑話 自降身價

作者坦言，自己過去經常看《紐時》，看它的新聞，看它的分析。原來，《紐時》的政治諷刺作品都好好睇，比美國專玩諷刺的《The Onion》更好玩——冇錯，正如《紐時》那句名垂千古的Slogan「All the News That’s Fit to Print」(我的新聞好得)，現在已進化成「All the Jokes That’s Fit to Print」(我的笑話好得)。 小編好認同盧綱，因為現在睇《紐時》，真係可以當佢係笑話睇鳥﹗ 《南華早報》原文：http://www.scmp.com/comment/insight-opinion/article/2107562/nyt-all-jokes-are-fit-print 原圖：紐約時報網站截圖 https://cn.nytimes.com/opinion/20170818/hong-kong-democrats-prison-nobel/zh-hant/?mcubz=1

投票已截止，多謝支持