公民黨反高鐵一地兩檢大派膠，為政壇提供了不少談資(當然是膠的方面)。該黨飛機師議員「白痴哥」譚文豪近日拍片實測高鐵時間，可能習染大狀黨膠氣，白痴哥抽水抽著火水，引爆連串笑彈，惹來網民紛紛恥笑「飛機師果然堅離地」，「自己搭錯車走去鬧人」。

亂噏廣州南站山旮旯

譚文豪不安好心坐高鐵北上實測，可惜車又搭錯，飛又唔識上網買，亂噏甚麼「廣州南站是山旮旯地方」，刻意誤導市民，充分反映公民黨政治藍血人的笨蛋老底。結果，政府新聞網頂佢唔順，精確計算最佳路線的行車時間完美反擊；著名導演高志森認證譚文豪是「白痴哥」；工聯會何啟明更坦言：「上到廣州咁多嘢玩，又點止淨係留喺廣州市中心呀，識玩一定周圍去！」明串譚文豪冇料扮四條。 有膠人四出挑機，嗜血的網民當然唔放過。不少網民揶揄譚文豪好少返內地，對深圳北及廣州南站的高鐵接駁網絡唔識扮識，就像其老本行飛機師一樣「堅離地」，更有人恥笑他「自己搭錯車走去鬧人」。

議員回去揸番飛機啦

本來講番航空事務，譚文豪仲可以對一般人扮吓專家，誰知他一踩過界就露晒底，亂讀馬首是「膽」如是，高鐵搭錯車亂鬧人如是……白痴哥，立法會是很危險的，你快點回去揸飛機啦！議員唔適合你呀！ 原圖：無綫新聞截圖

投票已截止，多謝支持