港台年得10億公帑，但竟做無良僱主？港台繼「假自僱」(可按此重溫報道)及「慳勞保」(可按此重溫報道)風波後，再有員工向同是天涯淪落人的《蘋果日報》爆料，要做免費「奴」工替港台任司儀。使人唔使本，咁搵員工笨，看來港台不但長於偏頗，同時亦精於無良！
之前本報曾提及港台為慳皮，聘用一種名為「catII」的「非正式員工」職位，但職責與正式員工無異，而且福利欠奉。沒有最縮骨，只有更縮骨，有人踢爆港台不但慳福利，連人工也想節省，稱被港台要求擔任司儀，不過就以「無預算」為由，只可做「義工」。如果catII有膽say no，有指管理層會「惡人先告狀」，反責備catII勿斤斤計較。
嘩！有汗出冇糧出，仲叫人切勿計較，果然係「腦細」典範！如果咁講，港台亦毋須再聘請清潔工，只要拍心口叫管理層幫手，相信他們絕對不會斤斤計較，並樂意做無償工人。
港台「小薯仔」續謂，倘掛8號風球而拒絕上班，就會聽到一句「唔返就唔好喺度做」，如同早前爆料者謂打風黑雨下仍被迫返工，正所謂「有事你死你賤」。
對於港台被指十足流氓爛仔，唔聽話就靠嚇的指控，港台機構傳訊組總監伍曼儀就話絕無此事，強調未曾要求員工8號風球下返工；而做免費「奴」工一事，她則表示「一句兩句好難講」 。
的確，無良呢家嘢，一兩句真係好難講，如果要講，相信都要長篇大論，悶到無人想知黑心僱主如何縮骨……咦，港台不妨自製節目慢慢解釋，反正收視一向「低到一個點」，多一個零收視節目又何妨？
原圖︰
http://rs3.sinahk.net/cap/9/2016/02/16/5/574413144fe460748684f59611328a53.jpg
投票已截止，多謝支持
返回
