若果沒有高鐵一地兩檢方案出爐，真心唔知道原來大狀黨文采好到加零一，玩字、比喻用得出神入化！甚麼「割地兩檢」呀、「7年前打劫港人，7年後打爛本基本法」呀，支持者們多嗌幾句，真係明明唔係都會信以為真㗎！話時話，小編覺得用字最精警，還要數該黨過氣阿頭梁家傑。

梁家傑回覆黃媒《蘋果日報》查詢時，自不然大罵律政司司長袁國強。他斥責袁國強顧左右而言他，不斷質疑他割地出賣香港，打開香港免於恐懼自由的保護罩缺口，實在難辭其咎云云。

市民等著品嚐高鐵美酒

更搞笑的是，梁家傑話袁國強「刻意強調」一地兩檢方案是港府決定研究及落實，而不是被中央政府指令，感覺猶如「叫聖上賜你飲毒酒，仲畀你自己準備立法，真係謝主隆恩」。

唔知梁家傑係飲酒飲大咗，定係飲毒酒飲Short咗，如果鋪定全國性高鐵網絡等你來連接都係飲毒酒，世上大概沒有一件事不是毒酒吧？不過，既然梁家傑咁想飲毒酒，你快啲飲飽佢啦！其他市民都在等著品嚐高鐵一地兩檢嘅美酒呀！

原圖：無綫截圖