明明有手有腳卻唔做嘢，仲攤大手板問市民攞錢，你有冇見過啲咁衰嘅人？事緣香港眾志主席羅冠聰被DQ，料需交還一大筆議薪津。面對以百萬計的「巨款」，香港眾志一班未學識搵錢就周圍搞搞震嘅後生仔咪話唔頭痕。可能正因為眾志驚到腳震，近日頭目之一的黃之鋒不斷撰文，看得小編一邊睇一邊(笑到)流晒眼淚，點解？因為河童次次都係筆鋒一轉，原來都係為錢。 黃之鋒昨日在Facebook寫了一篇情辭並茂的文章，並極速讓黃色媒體轉載。該文題為〈我很想保住羅冠聰的南區辦事處，可以嗎……？〉，洋洋灑灑地講述羅冠聰被DQ後辦事處的情況，一邊以「幾名社區幹事，年紀輕，經驗淺」，冀博眾人同情呢班「後生仔」，一邊又以指「跟我們並肩作戰的居民因而被連累」，似乎想把居民當擋箭牌，以作撲水的理由。

有手有腳點解要問基層攞錢？

到了文章中段，筆鋒一轉，河童煞有其事地提及DQ當中，有居民自發要發起眾籌「一人捐一蚊」，以「保住羅冠聰的南區辦事處」。黃之鋒一邊指要「讓基層街坊破費支持我們，心裡卻有無盡歉意」，一邊卻在文尾重覆標題「我很想保住羅冠聰的南區辦事處，可以嗎……？」即是對於基層為自己破費覺得不好意思，同時又叫對方多捐錢，因為「我很想保住羅冠聰的南區辦事處」？兩個字：虛偽﹗ 黃之鋒未選議員，口吻就十足反對派，唔認錯之餘，又要市民埋單。明明當初係羅冠聰自己宣誓時玩出禍，究竟憑咩同大眾講好想保住個辦事處？係都眾志成班後生仔出去打工賺錢畀租金，有手有腳點解反過來要問基層攞錢？ 原圖：大公報、文匯報 http://news.takungpao.com/paper/q/2017/0403/3437786.html http://paper.wenweipo.com/2016/08/16/YO1608160012.htm

投票已截止，多謝支持