立法會財委會本年度最後一日會議，泛民醜態畢露，把民生項目扯上政治，又為被DQ嘅議員製造人頭紙牌，擺喺佢哋嘅空位上，阿哥，你估「祭如在，祭神如神在」咩！筆者建議成班不知所謂嘅泛民主派上HKG報Facebook聽吓由林芸生主唱嘅《一班黐膠線的已完》，當知香港已經非佢哋可以立足，唔該過主！激進已沒有市場喇！「黐膠線的已完」前路更崎嶇難行，再把一切罪名推給梁振英，不但無聊當有趣，更凸顯其把無賴當武器。
把無賴當武器，向來是泛民的強項，好似張超雄呢個「難民之父」，做騷超低能勁搞笑，佢至叻係死淨把口；當南亞裔假難民搞到香港治安雞毛鴨血時，佢就粒聲唔出當冇件事；如今佢耍無賴又自取其辱 。財委會主席陳健波叫泛民咪拖延表決，以免令民生項目撥款未能通過，張超雄剎那變癲狗狂吠：「加會囉！加會囉！做乜唔加會！掛住去旅行！」秀才遇著兵，有理說不清，都幾難纏，何況遇到的仲衰過兵，波叔遇到的，係衰過《水滸傳》刁難楊志賣刀嘅牛二。
牛二呢條友衰到貼地，潑皮到冇人有。舉個例，牛二問楊志那把刀竟要賣三千貫咁貴，楊志把寶刀的好處盡告之，其中一個是「殺人刀上沒血，把人一刀砍了，並無血痕，只是個快。」牛二說我就是不信，你殺個人我看看！楊志面有難色，說：「禁城之中，如何敢殺人？你不信時，取一隻狗來，殺與你看。」牛二耍潑皮：「我說殺人，不曾說殺狗。」楊志畀佢吹到啤啤聲，發火道：「你不買便罷，只管纏人做甚麼！」
看官，張超雄這廝，比楊志潑皮，且更野蠻，佢手提長毛嗰人頭紙牌，一味兇主席加會加會，幸好波哥老神在在，踢爆佢係財委會最近詢問議員二十日和二十一日是否加會時佢全部打交叉，難怪波哥理直氣壯噴佢一面：「你最冇資格同我講加會！」Man都呢！
其實，非建制派過去一年係咁拉布，令到不少民生項目不能及時通過撥款，尤其好些大型基建，一再延後增加成本不在話下，又影響數以十萬計建築工人生計！佢哋嘅天職唔係正正經經開會，通過民生項目造福香港，而竟然係無所不用其極令其流會，把不開會合理化，今時今日咁嘅態度做「尊貴」議員，點可以有運行？與民為敵，打爛基層飯碗，咁嘅「已完」應該玩完！
自佔中七十九日以來，民心思變——係想休息，政府多點關心基層市民，政通人和，大家開心搵到食！而非建制派反其道而行，未來選舉，冇理由仲做「白痴」，送佢哋入議會搞破壞吧！
陳健波話要修改財委會議事規則，筆者鼓掌以迎！令議會重上軌道，立法會一改「垃圾會」形象，相信係多數市民所盼望見到的。
原圖︰張超雄Facebook、文匯報
http://paper.wenweipo.com/2017/07/18/HK1707180003.htm
投票已截止，多謝支持
返回
