究竟垃圾已完嘥咗納稅人幾多錢？等DQ4話畀大家知﹗去年10月立法會議員宣誓，4名立法會自決派議員劉小麗、社民連「長毛」梁國雄、香港眾志羅冠聰及建築界姚松炎齊齊玩嘢，結果惹上官非。這場就職宣誓覆核案將於今日3時在高等法院裁決，有傳媒幫DQ4計過數，如果他們攬住一齊死，加加埋埋需要回水1200萬畀立法會，仲未計未知幾多N場官司的律師費，都咪話唔甘﹗ 宣誓當日，DQ4做過乜，傳媒全程直播。當時，劉小麗以「龜速」宣讀誓辭，長毛高舉黃傘叫口號，羅冠聰則將誓詞變調變成疑問句，姚松炎不斷自行加料。凡此種種，相信市民記憶猶新。

唔面臨官非 唔盡議員責任？

4人一旦被DQ，根據之前游梁被DQ的做法，立法會會向他們追討由去年10月到而家的議員薪金同議員辦事處的開支，估計合共成1200萬。也就是說，這堆垃圾已完平均一人便用了納稅人成300萬。當選已經1年，議員們準備放暑假，但呢4位衰人又為市民做過甚麽呢？ DQ4向記者表明，若然敗訢一定會上訴到底，但話風一轉，又話財政有困難，講明繼續要眾籌籌旗。更搞笑的是，DQ4話會提早到高院出面打個白鴿轉，同支持者見見面，跟住會飛返去立法會開財會，話要「盡議員職責」喎。哈哈﹗之前就瘋狂拉布搞呢搞路，唔死到臨頭都唔做嘢，忽然想盡議員職責扮好人，有幾多年會信佢哋嘅鬼話？ 財委會主席陳健波就講明，如果開會期間有議員被DQ，就會先停止會議，等主席、法律顧問及秘書處「趕客」。 圖：無綫新聞截圖

投票已截止，多謝支持