壹傳媒創辦人黎智英涉在公開場合凶記者防礙新聞自由，記協乜都睇唔到，搵記協主席岑倚蘭出來講兩句都難，就算出到尋人啟事都未見人！今日網上流傳一份有記協標誌的聲明，話對黎智英作出強烈譴責，要求警方徹事件，又話今後拒絕接受黎智英的任何捐款，黎智英今後的任何行為與記協無關。

狠批黎金主那還得了？！記協馬上有反應火速出聲明澄清，話上述是假聲明，「涉及六月四日發生的事件。本會澄清並沒有發表過此等聲明，對有人利用本會名義發假聲明予以強烈譴責及保留追究責任(權利)。」

網民串記協唔敢得罪黎智英

不過記協聲唔清唔楚，六月四日發生乜事都唔講，連肥佬黎個名都唔敢提，唔通真是要維護主子，怕閂水喉？

網民自然大表不滿，記者被人恐嚇，記協粒聲唔出，假聲明講到肥佬黎馬上彈出來，有人質問，「黎智英明言話要搞個記者喎！記協有什麼行動去保護記者採訪時的安全？」有人揶揄話，「 即係會繼續收肥佬黎『捐款』啦！」又有指，「叫你發聲明維護記者你就潛左(咗)幾日水，而家有人發假聲明你就第一時間彈出黎(嚟)澄清。」有人則問記協，「 咁記協對黎智英公然恐嚇記者，嚴重影響採訪新聞自由，又有何意見呢？」

網民説得對，記協經常站在道徳高地指人防礙新聞自由，不過只是維護一眾的黃媒而已！

原圖︰記協Facebook截圖、無綫新聞截圖、網絡視頻截圖

投票已截止，多謝支持